Description

Ang aklat na ito ay nakabatay sa dokumentong
pangkurikulum ng pinakamahalagang kasanayang
pampagkatuto sa Filipino ng Kagawaran ng
Edukasyon. Inilipat ang nakatitik na kurikulum sa
maingat, masusi, at masistemang paglalapat ng
mga aralin, kasanayan, at pagpapahalaga na
malapit sa konteksto ng lipunang ginagalawan.
Mahalagang ang bawat bahagi ng aklat na ito ay
mabigyang-tuon upang makatugon sa dunong na
hatid ng mga konseptong pangwika at pangkultura
mula sa iba’t ibang tekstong panrehiyo’t pambansa,
saling-akdang Asyano’t daigdig, at kontekstong
inihahain ng nagbabagong panahon. Inaasahang sa
gawaing pagtuon ay makamit ang dunong na lalong
magpapasidhi sa mga katangian upang higit na
maging isang kapaki-pakinabang na mamamayang
may taglay ng panghabambuhay na mga kasanayan.
Magaganap ang pagsulong dito kung buong pusong
tutuon sa nilalaman ng aklat ng dunong.